12 mënyra për të eleminuar dhimbjet në fund të shpinës

0
182

Rreth 80% e njerëzve do të përjetojnë një problem në shpinë gjatë jetës së tyre. Në përgjithësi dëmtimi është shkaktuar nga një aktivitet fizik mbi normalen, prej ngritjes së peshave të rënda. Të tjerët, thjesht përkulet për të marr një laps dhe shpina e tyre jep dhimbje.

“Ajo ndjehet si një kaçavidë që depërton nëpër eshtra”, thotë një 46-vjeçar në lidhje me dhimbjen që iu krijua menjëherë pas një vrapimi. “Nuk mund të përkulem ose të fle. Përfundimisht unë kurrë nuk do të ndjehem normal përsëri “.

Mary Ann Wilmarth, zëdhënëse e Shoqatës Amerikane të Terapisë Fizike dhe shefe e terapisë fizike në Universitetin e Harvardit, thotë se është e rëndësishme që njerëzit ta raportojnë menjëherë çdo dhimbje shpine. “Ndërhyrja e hershme mund të ndihmojë parandalimin e një problemi kronik nga zhvillimi dhe shmang nevojën për ilaçeve dhe kirurgji,” thotë ajo.

Në sajë të një kombinimi të aktivitetit, ushtrime dhe terapi fizike, Hayes thotë se simptomat e saj janë përmirësuar në mënyrë dramatike gjatë vitit të kaluar. Këtu janë 12 mënyra për të ndihmuar në zbutjen e dhimbjeve të shpinës:

1. Jepini fund regjimit të shtratit

Kjo mund të duket kundësrshtuese, por studimet tregojnë se njerëzit me dhimbje akute të shpinës poshtë, kanë më shumë dhimbje dhe janë më pak të aftë për të kryer detyrat e përditshme se sa ata të cilët qëndrojnë aktivë.

“Pacientët duhet të shmangin më shumë se tre ditë të pushimit shtrat”, thotë Mike Flippin, MD, një kirurg ortopedik i specializuar për shpinën në San Diego Medical Center. “Unë i inkurajoj pacientët e mi, që të lëvizin sa më shpejt të jetë e mundur.”

2. Bëni ushtrime

Aktiviteti shpesh është ilaçi më i mirë për dhimbjet e shpinës. “Ushtrime të thjeshta, si ecja, mund të jenë shumë të dobishme”, thotë Wilmarth. “Ajo i nxjerr merr njerëzit nga një sjellje joaktive dhe e vë trupin në një pozicion neutral, të drejtë.”

Por mos harroni, Flippin thotë. “Qëndroni larg nga aktivitetet si kopshtaria për të shmangur çfarëdo lëvizje që shkakton dhimbje në shpinë.”

3. Ruhuni nga lëvizjet e forta

Dhimbja mund të ketë filluar pas një stërvitje të gjatë në palestër, që ka shkaktuar ndonjë tendosje që ka ekzistuar për vite me rradhë. Wilmarth thotë se “Ju mund të rrisni presionin mbi shpinën tuaj deri në 50%, thjesht duke u përkulur mbi lavaman gabimisht kur lani dhëmbët. Mbajtja drejt e shpinës, zvogëlon presionin e nervave dhe do të zvogëlojë dhimbjen prapa. ”

4. Bisedoni me një specialist

Zhvillimi i një plani individual ushtrimesh është thelbësor për menaxhimin e dhimbjeve kronike të shpinës, thotë Scott D. Davis, një terapist fizik dhe ortopedik. “Nuk ka asnjë aspirinë magjike që trajton dhimbjen e shpinës “, thotë Davis. “Disa pacientë kanë nevojë për terapi të fortë,ndërsa të tjerët përfitojnë kryesisht duke përmirësuar fleksibilitetin. Gjeni një terapist fizik, ose fiziolog stërvitje, i cili është i specializuar. Ata do t’iu orientojnë me një plan që ju përshtatet. ”

5. Forcimi i muskujve tuaj

Shumica e njerëzve me dhimbje kronike të shpinës mund të përmirësohen nëse forcojnë muskujt e barkut.

“Busti është një kombinim i grupeve të muskujve që punojnë së bashku,” Frank B. Wyatt, Edd, profesor i fiziologjisë në Missouri (Universiteti Shtetëror Perëndimor), tregon se “Nëse muskujt e barkut janë të dobët, muskujt e tjerë nuk lidhen mirë me njëri tjetrin. Kur ne forcojmë muskujt e barkut, pesha që i bie shpinës zvogëlohet. ”

6. Përmirësoni ekulibrin

Tensioni mbi muskuj dhe pesha jo e ekulibruar mund të shkaktojë dhimbje shpine. “Qëllimi ynë është për të vënë një ngarkesë të barabartë në të gjithë trupin nga këmbët deri në krye,” thotë Davis. “Një ushtrim i mirë është të ulesh në buzë të krevatit me një këmbë të zgjatur dhe tjetrën në dysheme. Hapni krahët tuaj duke u përkulur nga përpara dhe duke mbajtur shpinën në një pozicion neutral “.

7. Brezi i mesit

Është një mënyrë që përdoret për muskujt e shpinës, por Davis thotë se duhet të përdoret me masë. “Mbajtja e brezit të mesit është e dobishme për aktivitetet e fuqishme, si ngritje peshash të rënda, por vetëm për 15 minuta,” thotë ai. “Nëse ju vishni një brez gjithë ditën, muskujt, që duhet të jenë të siguruar humbasin stabilitetin dhe do të keni më pak forcë.”

8. Aplikoni ftohjen dhe ngrohjen

Ngrohja dhe ftohja mund të zbusin dhimbjet. Shumica e mjekëve rekomandojnë përdorimin e akullit për 48 orë pas një dëmtimi akut – veçanërisht nëse ka ënjtje – dhe pastaj kalimi në ngrohje.

Por “është e vështirë të thuhet nëse ftohja apo ngrohja është më e dobishme”, thotë Flippin. “Unë rekomandoj që pacientët të përdorin cilëndo mënyrë që ju bën mirë, për aq kohë sa lëkura e tyre është e mbrojtur.”

9. Fli në mënyrën e duhur

Shuma i rëndësishëm është pozicioni që merrni kur flini. “Nëse flini në një pozicion të keq, ose në një dyshek pa elasticitetin e duhur, kjo mund të shkaktojë dhimbje shpine,” thotë Wilmarth.

Disa pika që duhen patur parasysh: Ata që flenë me shpinë duhet të vënë jastëkë nën gjunjët e tyre, ata që flenë anash duhet të vendosin jastëkë mes gjunjëve për të mbajtur shpinën në një pozicion neutral, ata që flenë përmbys (me bark) shkaktojnë dhimbje në qafë dhe kokë dhe mund të krijojnë probleme në shpinë.

10. Lini duhanin

Pirja e duhanit jo vetëm dëmton mushkëritë, por gjithashtu mund të lëndojë shpinën. Një studim i botuar kohët e fundit në Revistën Amerikane të Mjekësisë ka zbuluar se duhanpirësit kanë më shumë gjasa që të kenë dhimbje shpine, në krahasim me njerëzit që nuk kanë pirë duhan. “Nikotina ngushton enët e vogla të gjakut dhe ul shpërndarjen e gjakut në indet e buta”, thotë Flippin. “Unë u them gjithë pacientëve të mi se ndalimi i duhanit mund të ndihmojë për të lehtësuar dhimbjen e tyre të shpinës.”

11. Provoni terapinë e fjalës

Dhimbja e shpinës është e lidhur shpesh me çështjet psikologjike, si depresioni dhe ankthi, thotë Alex Moroz, MD, profesor i mjekësisë rehabilitimit në NYU Medical Center Langone. “Ngjyrat e tua emocionale shkaktojnë perceptimin e dhimbjes”, thotë Moroz. “Terapia mund të jetë një pjesë e dobishme e rehabilitimit.”

12. Përdorni teknikat e relaksimit

Hulumtimet tregojnë se praktika të tilla si frymëmarrje, meditim të thellë, tai chi dhe joga, të cilat ndihmojnë të vënë mendjen në pushim, mund të bëjnë mrekulli për shpinën. “Nëse ju mund të arini të relaksoheni, ajo do të ndihmojë në uljen e nivelit të perceptimit të dhimbjes”, thotë Moroz.

SHPËRNDAJE

PËRGJIGJU

Please enter your comment!
Please enter your name here